نئی دہلی7مئی(ایس او نیوز؍آئی این ایس انڈیا) بہار کے سابق وزیراعلیٰ لالوپرسادیادو کی بیٹی میسابھارتی اوران کے شوہرشلیس کمار 8000کروڑ روپے کے منی لانڈرنگ ایکٹ کے معاملے میں پٹیالہ ہاؤس عدالت میں آج حاضر ہوئیں۔انفورسمنٹ ڈائرکٹوریٹ (ای ڈی) نے دونوں کے خلاف کاروباری سریندر جین اور وریندر جین کی فرضی کمپنی کے ذریعے منی لانڈرنگ ایکٹ کے تحت مقدمہ درج کیاہواہے۔مرکزی تفتیشی بیورو (سی بی آئی)کے خصوصی جج اروند کمار نے معاملے میں ایک اور ملزم سنتوش جھا کو پیش کرنے کا وارنٹ جاری کرتے ہوئے اگلی سماعت چار جون طے کی ہے۔
